ប្រែសម្រួលជាខេមរភាសាដោយ លី សុខណា

សហគ្រិនស្ត្រីជាង ៩០ភាគរយ បានជំរុញអាជីវកម្មរបស់ខ្លួន បន្ទាប់ពីទទួលបានការបណ្តុះបណ្តាលតាមរយៈកម្មវិធី SHE ដើម្បីអភិវឌ្ឍ និងពង្រីកប្រតិបត្តិការរបស់សហគ្រិនដែលជាស្រ្តី ដោយសារតែអង្គការជឿជាក់ថាស្ត្រីក្នុងអាជីវកម្មនៅតែជួបបញ្ហាប្រឈម និងមានឱកាសតិចជាងក្នុងការអភិវឌ្ឍសហគ្រាសរបស់ពួកគេជាងបុរស។

យោងតាមសេចក្តីថ្លែងការណ៍របស់ iDE កាលពីថ្ងៃទី៤ ខែមេសា ដើម្បីប្រារព្ធខួបលើកទី១០ នៃកម្មវិធី SHE ក្រោមការផ្តល់សិទ្ធិអំណាចដល់សហគ្រិនស្ត្រីនៅក្នុងប្រទេសកម្ពុជា កម្មវិធីនេះបានគាំទ្រដល់សហគ្រាសខ្នាតតូច មធ្យម និងមធ្យម (MSMEs) ជាង ២៦០០។

សហគ្រិនស្ត្រីនៅក្នុងប្រទេសកម្ពុជាជារឿយៗប្រឈមមុខនឹងឧបសគ្គជាច្រើន រួមមានលទ្ធភាពទទួលបានហិរញ្ញវត្ថុ បច្ចេកវិទ្យា ឱកាសអប់រំអាជីវកម្ម និងសេវាកម្មគាំទ្រមានកម្រិត រួមជាមួយនឹងឧបសគ្គនៃបទដ្ឋានសង្គមជាដើម។ បញ្ហាប្រឈមទាំងនេះរារាំងការចល័តរបស់ពួកគេ និងកំណត់ឱកាសសម្រាប់ការបណ្តុះបណ្តាល និងបណ្តាញទំនាក់ទំនងដែលជាចំណុចសំខាន់សម្រាប់ពង្រីកអាជីវកម្មរបស់ពួកគេ។

dynamic_detail_1

សេចក្តីប្រកាសព័ត៌មានមួយបានសង្កត់ធ្ងន់ថា៖«ចំនួន ៩៣ភាគរយ នៃសហគ្រាសដែលគ្រប់គ្រងដោយស្ត្រីត្រូវបានជួយដោយ SHE ក្នុងការពង្រីកអាជីវកម្មរបស់ពួកគេ បង្កើត និងដំណើរការជាផ្លូវការ និងបង្កើតការងារជាង ១០០០»។

សេចក្តីប្រកាសដដែលបានបន្ថែមថា កម្មវិធីរបស់ SHE ដែលផ្តោតលើយេនឌ័រ និងតម្រូវទៅតាមវប្បធម៌ផ្សេងៗគ្នា បានផ្ដល់សិទ្ធិអំណាចដល់សហគ្រិនស្ត្រីនៅគ្រប់វិស័យ រួមមានវិស័យកសិកម្ម អាហារូបត្ថម្ភ ថាមពលស្អាត ការអភិរក្ស និងឧស្សាហកម្មកាត់ដេរ។

Women waste pickers receive business training by SHE Powered via iDE. Kiripost via IDE — ការបណ្តុះបណ្តាលអាជីវកម្មផ្តល់ដល់ស្ត្រីអ្នករើសសំរាមដោយកម្មវិធី SHE របស់អង្គការ iDE ។ (គិរីផូសរូបភាពពីអង្គការ IDE)

តាមរយៈការផ្តល់ការបណ្តុះបណ្តាល ការណែនាំ ការបង្វឹក និងការគាំទ្រផ្នែកហិរញ្ញវត្ថុ អ្នកចូលរួមបានបញ្ចប់ការសិក្សាដោយមានទំនុកចិត្ត និងជំនាញក្នុងការចាប់ផ្តើម និងពង្រីកអាជីវកម្មផ្ទាល់ខ្លួនរបស់ពួកគេ។

ប្រាំមួយខែបន្ទាប់ពីបញ្ចប់ការសិក្សា ម្ចាស់អាជីវកម្មដែលបណ្តុះបណ្តាលដោយ SHE ទទួលបានប្រាក់ចំណូលជាមធ្យមច្រើនជាង ២០០០ដុល្លារ។

dynamic_detail_2

លោកស្រី Keisha Gani នាយិការកម្មវិធី SHE បាននិយាយថា ស្ត្រីជាម្ចាស់អាជីវកម្មប្រហែល ៦៩ភាគរយ នៅក្នុងប្រទេសកម្ពុជា ប៉ុន្តែភាគច្រើនជាអាជីវកម្មខ្នាតតូច និងក្រៅផ្លូវការ ដោយមានតែ ២៦ភាគរយ នៃសហគ្រាសធុនតូច និងមធ្យមប៉ុណ្ណោះដែលជាកម្មសិទ្ធិរបស់ស្ត្រី។ ភាពខុសគ្នានេះមិនត្រឹមតែកំណត់ការពង្រឹងសេដ្ឋកិច្ចរបស់ស្ត្រីប៉ុណ្ណោះទេ ប៉ុន្តែថែមទាំងរារាំងដល់កំណើនសេដ្ឋកិច្ចរបស់ប្រទេសផងដែរ។

លោកស្រីបាននិយាយថា៖«ស្ត្រីគឺជាភ្នាក់ងារនៃការផ្លាស់ប្តូរមិនគួរឱ្យជឿ។ នៅពេលដែលយើងវិនិយោគលើស្ត្រី ពួកគេនឹងវិនិយោគត្រឡប់វិញមកលើគ្រួសារ និងសហគមន៍របស់ពួកគេ ដោយជះឥទ្ធិពលវិជ្ជមានជាច្រើន ដូចជាការអភិវឌ្ឍលើការអប់រំ ការថែទាំសុខភាព និងឱកាសការងារ»។

អតីតសហស្ថាបនិករបស់ SHE គឺលោកស្រី Celia Boyd បានលើកឡើងថា SHE ដោះស្រាយបញ្ហាវិសមភាពយេនឌ័រក្នុងវិស័យសហគ្រាសធុនតូច-មធ្យម ដោយជួយដល់សហគ្រិនស្ត្រីនៅកម្ពុជា តាមរយៈកម្មវិធីផ្តោតលើយេនឌ័រ។

លោក Kevin Robbins នាយកប្រចាំប្រទេសរបស់អង្គការ iDE Cambodia បានសង្កត់ធ្ងន់ថា SHE ធ្វើការងារសំខាន់ៗជាច្រើន ហើយវាបានសម្រេចសមិទ្ធិផលជាច្រើនក្នុងរយៈពេលមួយទស្សវត្សកន្លងមកនេះ ដើម្បីផ្តល់សិទ្ធិអំណាចដល់ស្ត្រីឱ្យដឹកនាំ អភិវឌ្ឍ និងរៀបចំអនាគតនៃសេដ្ឋកិច្ចកម្ពុជា។

លោកបានបន្ថែមថា នៅមានសក្ដានុពលមិនទាន់ឃើញច្រើននៅក្នុងសហគ្រិនស្ត្រី និងអាជីវកម្មជាលក្ខណៈគ្រួសារ។ «iDE និង SHE ប្តេជ្ញាជួយដោះសោសក្តានុពលទាំងនោះ ពីព្រោះយើងដឹងថាសហគ្រិនម្នាក់អាចផ្លាស់ប្តូរសហគមន៍របស់ពួកគេបាន ហើយមនុស្សរាប់លាននាក់អាចផ្លាស់ប្តូរពិភពលោកបាន»។

SHE ជាពាក្យកាត់មកពី Support Her Entreprise ត្រូវបានបង្កើតឡើងក្នុងឆ្នាំ២០១៥។ កម្មវិធីនេះត្រូវបានគេស្គាល់ពីមុនថា SHE Investments ដែលជាសហគ្រាសសង្គម។ នៅខែមករា ឆ្នាំ២០២៤ SHE ត្រូវបានបញ្ចូលទៅក្នុងអង្គការ iDE។ ជាផ្នែកមួយនៃអង្គការ SHE ដំណើរការជាកម្មវិធីសហគ្រិនឆ្លាតវៃដែលផ្តោតលើយេនឌ័រ ហើយបន្តផ្តល់នូវកម្មវិធីសិក្សា និងវិធីសាស្រ្តដែលបានអនុវត្តពីមុនមកដដែល៕